Махсус эффектлар бўйича эксперт ҳамда «Юлдузлар жанги» фильмидаги R2-D2 роботи яратувчиси Тони Дайсон Гозо ороли (Мальта)даги уйида ўлик ҳолда топилди, дея хабар бермоқда «РБК».
Маҳаллий полиция маълумотларига кўра, Дайсоннинг жасадида ғайритабиий ўлим белгилари аниқланмаган. Унинг вафоти сабаби мурда ёриб кўрилгач, маълум бўлади.
Тони Дайсон «Юлдузлар жанги» фильми учун иккита робот ясаган, улар актёр Кенни Бейкер томонидан «жонлантирилган». Махсус эффектлар устидаги иши учун Дайсон Emmy мукофотига номзод сифатида кўрсатилган.
Шунингдек, у «Супермен-2», «Ой пойгачиси» каби фильмлар устида ҳам ишлаган.
Изоҳ (0)