Тошкент давлат шарқшунослик институти талабалари иштирокида хонанда Лола билан «Ёшларнинг ўз олдига қўйган мақсадларига эришиши сирлари ва вақтни тўғри тақсимлаш» мавзусида ижодий учрашув ташкил этилди. Бу ҳақда «Камолот» ЁИҲ ТДШИ БТ Кенгаши аъзоси Нафосат Зафарова «Дарё»га маълум қилди. Учрашув «Камолот» ЁИҲ ТДШИ бошланғич ташкилоти ҳамда «Маънавият ва маърифат» бўлими томонидан ўтказилди.
Учрашув давомида Лола талабаларни қизиқтирган саволларга жавоб берди, суҳбат сўнгида эса Лола Йўлдошева Ўзбекистон Республикаси «Камолот» ёшлар ижтимоий ҳаракати Тошкент давлат шарқшунослик институти бошланғич ташкилоти Кенгашининг Фахрий аъзоси деб қабул қилинди ва эсдалик совға билан тақдирланди.
Шундан сўнг ТДШИ миқёсида спортнинг боулинг тури бўйича ўтказилган чемпионат ғолибларини тақдирлаш маросими бўлиб ўтди. Бунда фахрий ёрлиқ ва эсдалик совғаларни Лола Йўлдошеванинг шахсан ўзи тақдим этди.
Изоҳ (0)