Москва ғарбида троллейбусга чиқиб, унинг тутқичидан ушлаган 17 ёшли қизни кучли электр токи урди. Шундан сўнг у касалхонага ётқизилган. Бу ҳақда шаҳар фавқулодда хизматларидаги манба таяниб, «Интерфакс» хабар берган.
«Мосгортранс» давлат унитар корхонаси матбуот хизматининг билдиришича, троллейбус йўналишдан олинган ва ҳимоялаш тизимини қўшимча текширувдан ўтказиш учун юборилган.
Москва шаҳар ички ишлар бош бошқармаси матбуот хизматининг маълум қилишича, «Минск кўчасида 2 март куни шикастланиш олингани муносабати билан текширув олиб борилмоқда, унинг натижаларидан келиб чиқиб, қонунчиликка биноан қарор қабул қилинади».
Изоҳ (0)