2015 йил охирига келиб дунёда мол-мулки 30 миллион доллардан зиёд 187,5 минг киши бўлган. Бир йил давомида мазкур мультимиллионерлар рўйхатидан 5,5 минг киши тушиб қолган. Уларнинг умумий мол-мулки қиймати эса 1,5 триллион долларга камайиб, 20,8 ўрнига 19,3 триллион долларни ташкил этган, дея хабар бермоқдда «РБК» .
Бунинг асосий сабаби сифатида йирик фонд индексларининг пасайиши, дунё кўчмас мулк бозорида вазиятнинг ёмонлашуви, Яқин Шарқ ва Россиядаги бадавлат кишилар даромадига таъсир кўрсатган нефть ва бошқа хомашё нархларининг кескин тушиб кетиши айтилмоқда.
Миллонерлар 2015 йилда энг кўп Лотин Америкасида камайган — 9%. Россия ва МДҲ давлатларида бу кўрсаткич 4 фоизни ташкил этган, Африкада ҳам шундай натижа қайд этилган.
Жаҳондаги миллиардерларнинг умумий сони 3 фоиз ёки 63 кишига камайган (1982 дан 1919 кишига тушиб қолган). Россия ва МДҲ давлатларида миллардерлар 4, Лотин Америкасида эса 10 фоизга озайган. Ўтган йили 2005 йилдан бери биринчи марта дунёда бадавлат кишилар сони камайгани қайд этилган.
Изоҳ (0)