ОПЕК мамлакатларида февралда нефть қазиб чиқариш ҳажми январь ойидаги рекорд даражага нисбатан кунига 280 минг баррелга камайган ва 32,37 миллион баррелни ташкил этган. Бу ҳақда «РБК» хабар бермоқда.
Қазиб чиқаришнинг энг кўп камайиши Ироққа тўғри келган: 17 февралдан бошлаб мамлакатда қуввати кунига 600 минг баррель бўлган Курдистондаги нефть қувури орқали маҳсулот етказиб берилиши тўхтатилган. Нигерия ва БААда ҳам ишлаб чиқариш ҳажми пасайган.
Саудия Арабистони нефть қазиб олишни олдинги суръатларда давом этган (кунига 10,2 миллион баррель), бу эса қироллик 16 февралда Россия, Қатар ва Венесуэла билан эришилган келишувга риоя этаётганини билдиради.
Эрон эса февраль ойида ўтган йил декабрига қараганда нефть қазиб чиқаришни кунига 200 минг баррелга кўпайтиргани қайд этилмоқда.
Изоҳ (0)