Хитойнинг Хайнань провинциясида пичоқ билан қуролланган кимса болаларга ташланиб, улардан беш нафарини жароҳатлади. Бу ҳақда «РИА Новости» хабар бермоқда.
Ҳодиса Хайкоу шаҳридаги бошланғич мактабда, машғулотлар тугагандан сўнг рўй берди. Дастлабки маълумотларга кўра, 40 ёшлар атрофидаги эркак болалар ўқув муассасаси яқинида бўлган пайт уларга ҳужум қилган. Жабрланган қизлардан бирининг ҳолати оғир эканлиги айтилмоқда.
Эркак қўлга олинган, уни бундай хатти-ҳаракатга ундаган сабаблар ҳозирча номаълум. Полиция ҳодиса тафсилотларини ўрганмоқда.
Изоҳ (0)