Кремль Сурияда ўт очишни тўхтатиш тартиби ҳақидаги баёнотларда имкон борича эҳтиёткорликка чақиради. Бу ҳақда Россия президентининг матбуот котиби Дмитрий Песков маълум қилди, дея хабар беради «РБК».
«Москва кимнидир тинчликни бузишда айблашга шошмаслик, бунга ўта эҳтиёткорлик, вазминлик билан ёндашишга чақирганди. Вазият ҳали барқарор эмас, шу боис биз ушбу даъватни яна такрорлашга мажбурмиз», — дея таъкидлаган Песков.
Эслатиб ўтамиз, олдинроқ Саудия Арабистони ташқи ишлар вазири Одил ал-Жубайр Россия ва Сурия расмийларини ўт очишни тўхтатиш тартибини бузишда айблаганди.
Изоҳ (0)