Миср армиясининг Синай яримороли шимолидаги рейдлари натижасида 13 нафар жангари йўқ қилинди. Бу ҳақда «ТАСС» хабар бермоқда.
Мамлакат ҳарбий-ҳаво кучлари Шайх Зубайд шаҳри жанубига берган зарбаси туфайли ИШИДнинг маҳаллий тармоғи — «Ансор Байт ал-Мақдис» гуруҳининг саккиз нафар аъзоси ўлдирилди. Яна беш нафар террорчи шу ҳудудда артиллерия зарбалари натижасида йўқ қилинган.
Шунингдек, махсус бўлинма террорчилик фаолиятида гумон қилинган 25 кишини қўлга олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)