Malayziya bosh vaziri Najib Razzoqqa tegishli bank hisob-raqamlarida avval bildirilganidek 681 million emas, 1 milliard dollardan ziyod mablag‘ bo‘lgan. Bu haqda vaziyat bilan tanish manbalarga tayanib, Wall Street Journal ma’lum qilgan, deya xabar beradi “RIA Novosti”.
Tergovchilarning taxminicha, bir milliard dollardan oshiq mablag‘ Razzoqning hisob raqamlariga 2011—2013-yillarda joylashtirilgan va ularning aksar qismi 1MDB davlat fondiga taalluqli.
O‘tgan yil iyulida fond bilan bog‘liq tashkilotlardan Najib Razzoq hisob raqamiga 700 million dollarga yaqin mablag‘ o‘tkazilgani bildirilgan, o‘shanda sobiq bosh vazir Maxatxir Muhammad izdoshini poraxo‘rlikda ayblagandi. Malayziya bosh prokurori Muhammad Apandi Ali esa mazkur yirik summani (681 million dollar) “Saudiya Arabistoni qirollik oilasining xayriyasi” deb topgandi.
Izoh (0)