Навоий шаҳридаги маҳаллалардан бирида 29 февраль куни Ucell компанияси томонидан болалар учун бунёд этилган янги ўйин майдончасининг тантанали очилиш маросими бўлиб ўтди.
Расмий очилиш маросими компания раҳбарияти, вилоят ҳамда шаҳарнинг фахрли меҳмонлари ва тадбирнинг асосий қатнашчилари — болалар иштирокида бўлиб ўтди. Иқтидорли болаларнинг мусиқий чиқишлари, аниматорлар билан биргаликдаги ёрқин ўйин ва рақслар маҳалла аҳли ва тадбир меҳмонлари ёдида узоқ вақт сақланиб қолиши шубҳасиз.
2015 йил ёзида Ucell бутун Ўзбекистон бўйлаб 13 та болалар ўйин майдончасини қуриш мақсадини эълон қилган эди. Компания кўп қиррали ижтимоий фаолият олиб бормоқда. Бу фаолият ҳам таълим, ҳам соғлиқни сақлаш, ҳам спортни қўллаб-қувватлаш соҳаларини қамраб олган. Бу қаторда «Ucell — Қувонч Макони» ташаббуси алоҳида, ўзига хос ўрин тутади.
2015 йилда мазкур лойиҳа доирасида Фарғона, Қарши, Бухоро, Урганч, Нукус, Самарқанд, Жиззах, Гулистон шаҳарларида 8 та майдонча бунёд этилди. Навбатдаги объектлар Андижон, Наманган, Сурхондарё вилоятлари ҳамда пойтахт — Тошкент шаҳрида қурилади.
Ucell компанияси ўз ҳамкорлари — Ахборот технологиялари ва коммуникацияларини ривожлантириш вазирлиги, ҳудудий ҳокимликлар, қурилиш бўйича ҳамкор — Infranet Asia компаниясига, шунингдек, жойлардаги маҳалла фуқаролар йиғинлари вакилларига алоҳида миннатдочилик билдиради.
Реклама ҳуқуқи асосида
Изоҳ (0)