Navoiy shahridagi mahallalardan birida 29-fevral kuni Ucell kompaniyasi tomonidan bolalar uchun bunyod etilgan yangi o‘yin maydonchasining tantanali ochilish marosimi bo‘lib o‘tdi.
Rasmiy ochilish marosimi kompaniya rahbariyati, viloyat hamda shaharning faxrli mehmonlari va tadbirning asosiy qatnashchilari — bolalar ishtirokida bo‘lib o‘tdi. Iqtidorli bolalarning musiqiy chiqishlari, animatorlar bilan birgalikdagi yorqin o‘yin va raqslar mahalla ahli va tadbir mehmonlari yodida uzoq vaqt saqlanib qolishi shubhasiz.
2015-yil yozida Ucell butun O‘zbekiston bo‘ylab 13 ta bolalar o‘yin maydonchasini qurish maqsadini e’lon qilgan edi. Kompaniya ko‘p qirrali ijtimoiy faoliyat olib bormoqda. Bu faoliyat ham ta’lim, ham sog‘liqni saqlash, ham sportni qo‘llab-quvvatlash sohalarini qamrab olgan. Bu qatorda “Ucell — Quvonch Makoni” tashabbusi alohida, o‘ziga xos o‘rin tutadi.
2015-yilda mazkur loyiha doirasida Farg‘ona, Qarshi, Buxoro, Urganch, Nukus, Samarqand, Jizzax, Guliston shaharlarida 8 ta maydoncha bunyod etildi. Navbatdagi obyektlar Andijon, Namangan, Surxondaryo viloyatlari hamda poytaxt — Toshkent shahrida quriladi.
Ucell kompaniyasi o‘z hamkorlari — Axborot texnologiyalari va kommunikatsiyalarini rivojlantirish vazirligi, hududiy hokimliklar, qurilish bo‘yicha hamkor — Infranet Asia kompaniyasiga, shuningdek, joylardagi mahalla fuqarolar yig‘inlari vakillariga alohida minnatdochilik bildiradi.
Reklama huquqi asosida
Izoh (0)