Россиянинг Воркута шаҳридаги «Шимолий» («Северная») конида юз берган портлаш қурбонларидан бирининг қизи Дария Трясухо отаси авариядан уч—тўрт ҳафта аввалроқ конда газ ўта кўплиги ва портлаш эҳтимоли ҳақида гапирганини маълум қилди, деб ёзади Meduza.
Трясухо сўзларига кўра, корхона раҳбарияти ишчилардан газнинг юқори зичлигини қайд этган газ датчикларини кўмиб ташлашни сўраган.
Унинг айтишича, бундай шароитда ишлашни истамаган кончиларга ишдан кетишни таклиф қилишган. ФВВ эса кончиларнинг қариндошлари чўзилиб кетган қидирув операциясидан норози бўла бошлагачгина, қутқарувчилар отрядларини юборган.
Конга эгалик қилувчи «Воркутауголь» компанияси қоидабузарликлар ҳақидаги маълумотни рад этди. «Кончилар датчикларни ёпиб ташлайдиган даврлар ўтиб кетган. Ҳозирда, агар хавф бўлса, ҳеч ким кончиларни сменага чиқишга мажбурлай олмайди», — дея таъкидлади компания.
Эслатиб ўтамиз, 25 февраль куни «Шимолий» конида метан портлаши туфайли 4 киши ҳалок бўлган, 26 киши қамалда қолганди. Портлаш чоғида конда 111 киши бўлган, улардан 81 киши юқорига олиб чиқилган.
28 февралга ўтар кечаси конда қидирув-қутқарув ишлари вақтида яна бир портлаш содир бўлди. Натижада беш нафар қутқарувчи ва бир нафар кончи ҳалок бўлди.
Изоҳ (0)