Россиялик тадбиркор Алишер Усмонов Англиянинг «Арсенал» футбол клубининг 18695 акциясини харид қилди ва шу орқали Лондон жамоасидаги улушини 30,04 фоизгача оширди. Бу ҳақда «Sports.ru» хабар қилмоқда.
«Мен Лондон клубидаги улушимни узоқ муддатли сармоя сифатида ғурур билан сақлайман. Жамоа учун фақат яхшиликни тилайман ва унинг муваффақияти учун қўлимдан келган барча ишни қиламан», — дейди 62 ёшли Усмонов.
Машҳур Forbes журнали Алишер Усмоновнинг молиявий ҳолатини 9,2 миллиард фунтга баҳоламоқда.
Қайд этиш жоиз, «Арсенал» футбол клубининг акциялар назорат пакети америкалик Стэн Кронкега тегишли. У клубнинг 67 фоизига эгалик қилади.
Эслатиб ўтамиз, олдинроқ Усмонов томонидан «Эвертон» клуби харид қилингани гап-сўзлар пайдо бўлганди, бироқ унинг вакили бу хабарни рад этди.
Изоҳ (0)