Сан-Францискода пластик идишдаги ичимликларни сотиш тақиқланади

2020 йилга келиб, АҚШнинг Сан-Франциско шаҳрида дўконлар пештахталаридан пластик идишлардаги ичимликлар йўқолади, деб ёзади National Geographic.

Бундай қонунлар АҚШдаги 14 та миллий боғ ва университетда амал қилади; Сан-Франциско мамлакатда бундай қарорни қабул қилган биринчи шаҳар бўлди.

Бир йил аввал бу ерда овқат учун полиэтилен пакетлар ва контейнерлардан фойдаланиш тақиқланган эди. Ичимликларни пластик қадоқда сотишга аста-секинлик билан чек қўйиш учун тўрт йил ажратилди. Савдо тармоқлари учун жарима 1000 долларни ташкил этади. Ҳукумат режасига кўра, бу уларни пластик идишдаги сувни харид қилишдан воз кечишга ундайди, натижада ишлаб чиқарувчилар ичимликларни кўп марталик шиша идишларга қуя бошлайди.