Непалда ҳалокатга учраган кичик йўловчи самолётининг бортида бўлган 17 кишининг жасади топилди. «ТАСС» агентлигининг ҳалокат содир бўлган туман полицияси бошлиғи Ража Хадкага таяниб маълум қилишича, қолганларнинг жасадлари қидирилмоқда.
Айтилишича, қидирув ва қутқарув операциясида полиция ва армия ходимларига маҳаллий аҳоли вакиллари ҳам ёрдам кўрсатмоқда, аммо об-ҳаво шароитларининг ёмонлиги қутқарув ишларини охирига етказишга халақит бермоқда.
Илгари хабар қилинганидек, Tara Air авиакомпаниясининг Twin Otter самолёти диспетчерлар билан алоқани йўқотиб қўйган, шундан бери ундан хабар олиш имконияти бўлмаган. Бир муддатдан сўнг унинг ҳалокатга учрагани ва барча йўловчилари нобуд бўлгани маълум қилинди.
Самолёт Покхарадан Жомсом шаҳрига парвозни амалга ошираётган эди.
Охирги маълумотларга қараганда, самолёт бортида 23 киши бўлган.
Изоҳ (0)