«Камолот» Ёшлар ижтимоий ҳаракати Марказий кенгашида бир гуруҳ фаол ёшларнинг таниқли футбол ҳаками Равшан Эрматов билан мулоқоти бўлиб ўтди. Бу ҳақда ҳаракат матбуот хизмати маълум қилган.
«Спортни танламаганингизда қайси касб эгаси бўлар эдингиз?» деган саволга жавоб берар экан, Эрматов «7 ёшимдан буён спорт оламидаман. Бошқа касбни умуман тасаввур қила олмайман. Тақдир тақозосига кўра спорт соҳасини танламаганимда ҳам бошқа йўналишда фидоий, адолатли, масъулиятли ходим бўлардим», дея жавоб берган.
«Фарзандларингизга қай даражада вақт ажрата оласиз?» деган саволга жавобан ҳакам «Имкон қадар оилада оталик бурчимни адо этишга ҳаракат қиламан. Қадриятларимиз, қадим меросимизни фарзандларимга ўргатишни оталик вазифам деб ҳисоблайман ва шунга ҳаракат қиламан. Менимча, фарзандларимга меҳрибон отаман», дея таъкидлаган.
Изоҳ (0)