«Реал»нинг собиқ бош директори Хорхе Вальдано «Барселона» ҳужумчиси Лионель Мессининг ўйин услубидаги ўзгаришлар, жумладан, аргентиналик маълум бир ўйинларнинг аксарият қисмида пиёда юришни ўрганганлигини қайд этди. Бу ҳақда у Mundo Deportivo нашрига берган интервьюсида маълум қилди, дея хабар беради «Чемпионат».
«Биз Лионель Мессининг янги кўринишига гувоҳ бўляпмиз. У тенги йўқ футболчи бўлган ва доим жуда юқори тезликда ўйнаган, бироқ энди турли ўйинларда турлича маром бўлишини тушунди. Энди у бутун ўйин давомида майдон бўйлаб пиёда юришни ўзига эп кўриши мумкин. Месси — ҳақиқий стратег», — дея таъкидлаган Вальдано.
Изоҳ (0)