18 февраль, пайшанба куни Тошкент вақти билан 11:05 да Наманган шаҳрида ерости силкинишлари сезилди. Бу ҳақда «Тошкент» марказий сейсмостанцияси «Дарё»га маълум қилди.
Зилзила Тошкент шаҳридан 262 км шарқда, Фарғона шаҳридан 150 км шимолда, Қирғизистон ҳудудида юз берди. Зилзила кучи унинг эпицентрида 4 магнитудага тенг бўлган.
Наманган шаҳрида ерости силкинишлари кучи 2 баллни ташкил этган. Ўзбекистоннинг бошқа ҳудудларида сейсмик фаоллик қайд этилмаган.
Эслатиб ўтамиз, 16 февраль, сешанба куни ҳам Қирғизистон ҳудудида рўй берган зилзила Наманган шаҳрида сезилганди.
Изоҳ (0)