Тошкентда қурилаётган янги турар-жой мажмуалари: нима, қаерда, қачон, неча пул?

Ўзбекистон пойтахтида янги турар-жой мажмуалари қурилиб, фойдаланишга топширилиши сўнгги йилларда одатий ҳолга айланди. Шаҳарнинг деярли ҳар бир туманида бунёд этилган ва этилаётган янги, замонавий ва кўркам кўп қаватли уйларни кўриб, беихтиёр ундаги хонадонлардан бирини сотиб олиш истаги туғилади.

«Uybor.uz» билан ҳамкорликда ҳозирги кунда Тошкент шаҳрида энг оммабоп бўлган янги иншоотлар ҳақидаги маълумотларни Сизга тақдим этамиз.

Ҳозирги вақтда Bauraum Group, Murad Buildings, Art Build Plus, Dolores Asia Tours, Semurg Business Invest, Inshoat tamir qurilish loyiha, New Light Invest, Lotus Gaz Invest, Golden House Development каби компаниялар Тошкент шаҳрида кўп қаватли турар-жой мажмуаларини қуриш, фойдаланишга топшириш ва сотиш билан шуғулланмоқда.

Bauraum Group

Олмазор туманида кўп қаватли 15 та уйдан иборат «Қорасарой» турар-жой мажмуаси қурилиши давом этмоқда. Ҳар бири етти қаватли дастлабки беш бино 2016 йилнинг иккинчи чорагида фойдаланишга топширилади. Хонадонлар квадратураси хоналар сонига қараб (мажмуадан бир хоналикдан тўрт хоналиккача квартиралар бор) 57 квадрат метрдан 136 метрга қадар ўзгариб боради. Нархи эса, хонадон жойлашган қаватдан келиб чиққан ҳолда, бир квадрат метри учун 3,6 миллион сўмдан 4,2 миллион сўмгача фарқланади. Алоҳида қозонхонадан иситиладиган, болалар майдончалари бўлган, очиқ ва алоҳида кўп қаватли автотураргоҳи мавжуд мазкур мажмуа хонадонларини 10 йилга ипотекага сотиб олиш мумкин. Тафсилотлар.

Art Build Plus

Қорақамишдаги «Аъло» ресторани яқинида қад кўтарган саккиз қаватли янги турар-жой мажмуаси фойдаланишга топширилиш арафасида. Ҳозирги вақтда мажмуадаги хонадонлар олти ойга бўлиб-бўлиб тўлаш шарти билан ҳам сотилмоқда — дастлаб пулнинг 50 фоизини тўлайсиз, қолган 50 фоизини олти ой давомида ортиқча фоизларсиз ва нарх ўзгаришларисиз тўлаб борасиз. Хонадонлар квадратураси 42,3 квадрат метрдан 114 квадрат метргача бўлиб, 2-қаватдаги хонадонларнинг бир квадрат метри 4 миллион сўмдан, 8-қаватдагилари эса 2,5 миллион сўмдан. Тафсилотлар.

Dolores Asia Tours

«Камолон» турар-жой мажмуаси Бунёдкор шоҳ кўчаси ёқасида, тарихий Камолон маҳалласига ёндош ҳудудда жойлашган. Еростидаги қолган икки қаватни ҳам қўшиб ҳисоблаганда тўққиз қаватдан иборат мажмуада атиги 28 та — 14 та 3 хоналик (ҳар бири 110 квадрат метр) ва 14 та 4 хоналик (ҳар бири 150 квадрат метр) хонадон бор. Ўзбек оилалари серфарзанд бўлишини ҳисобга олиб, мажмуадаги 3 ва 4 хонали квартираларни битта — умумий майдони 260 квадрат метр бўлган 7 хоналик «ҳовли»га айлантириш имкони бор. Қурувчи компания чегирмалар эълон қилган, қурилиш ишлари якунига етганидан сўнг кредитга сотиш масаласи ҳал қилиниши кутилмоқда. Тафсилотлар.

Inshoat tamir qurilish loyiha

Яккасарой туманида қурилган «Мечта» («Орзу») турар-жой мажмуасида нафақат 1—3 хоналик хонадонлар, балки 3, 5 ва 7 хонали болохона уй (қия шипли болохона)лар ҳам бор. Хонадонлар анча катта — бир хонали уйлар майдони 61 квадрат метр бўлса, уч хонали хонадон 123 метр квадратдан иборат. Банк билан келишган ҳолда, хонадонларни кредитга сотиб олиш мумкин. Тафсилотлар.

New Light Invest

Шаҳардаги ўзига хос лойиҳалардан бири — ҳар бирининг майдони 300 квадрат метр бўлган 17 та икки қаватли коттеж. Хонадон эгаси ихтиёрида 1,5 сотих ер майдони ҳам бўлади. Бешёғочда жойлашган «Пойтахт» мажмуаси коттежларини пул ўтказиш йўли билан ҳам, банк орқали кредит расмийлаштириш йўли билан ҳам сотиб олиш мумкин. Мажмуадаги нархлар ойдан ойга ўсиши кутилмоқда — февраль ойида коттежларнинг бир квадрат метри 6,72 миллион сўм бўлса, май ойида 8,4 миллион сўмдан сотилиши кўзда тутилган. Тафсилотлар.

Lotus Gaz Invest

Компания томонидан Тошкентнинг икки ҳудудида — Чилонзор 31-мавзе (Учтепа тумани)да ҳамда Яшнобод туманидаги «Уммон» ресторани яқинида тўққиз қаватли турар-жой мажмуалари қурилмоқда. Яшнободдаги қурилиш март ойида якунига етса, Учтепадаги бино сентябрь ойида фойдаланишга топширилиши кўзда тутилган. Ҳар иккала бинонинг биринчи қаватида супермаркет фаолият олиб бориши режалаштирилган. 2—5-қаватдаги хонадонларнинг ҳар бир квадрат метри 4,5 миллион сўмдан, 6—9-қаватлардагилари эса 4 миллион сўмдан сотилади. Тафсилотлар.

Semurg Business Invest

Компания томонидан Бектемир туманида 4 қаватли, 80 та хонадони бор «Сувсоз», Олмазор туманида 7 қаватли, 56 хонадондан иборат «Қорақамиш-2», Сергели туманида эса 8 қаватли, жами 160 хонадондан иборат «Сергели-5» мажмуалари қурилмоқда. «Сувсоз»даги хонадонлар нархи келишув асосида, «Қорақамиш-2»да фақат 6—7-қаватдаги хонадонлар қолган ва уларнинг 1 квадрат метри 3 миллион сўмдан. «Сергели-5»даги хонадонлар нархи эса қаватига қараб 2,6 миллион сўмдан 3,1 миллион сўмгача фарқланади. Ҳар бир мажмуадаги уйлар лифтлар, болалар майдончалари, автотураргоҳлар билан таъминланган. Кредитга олиш мумкин, қурилиш вақтида хонадон пулини тўлаганларга чегирмалар тақдим этилади. Тафсилотлар.

Murad Buildings

Элит турар-жой мажмуаларини қуриш ва фойдаланишга топшириш бўйича катта тажрибага эга Murad Buildings компанияси ҳозирги вақтда харидорларга «Кўкча қўрғони» (Шайхонтоҳур тумани), Central (Чилонзор тумани), «Гулсарой» (Олмазор тумани) ва «Амир Темур» (Юнусобод тумани) мажмуаларидан уй сотиб олишни таклиф қилмоқда. «Амир Темур» мажмуаси қурилиши давом этмоқда, «Новза» метро бекати яқинида жойлашган Central’да фақат бир неча хонадон ўз эгасини кутмоқда, холос. «Кўкча қўрғони» ва «Гулсарой» мажмуаларидаги квартираларнинг нархи эса жойлашган қавати ва майдонига қараб фарқланади — Кўкчадаги хонадонларнинг бир квадрат метри нархи 3,6—6,81 миллион сўм оралиғида бўлса, «Гулсарой»да 3,57—4,91 миллион сўм оралиғида. «Кўкча қўрғони»даги энг кичик хонадоннинг майдони 77 квадрат метр (энг каттаси 358 метр квадрат, «Гулсарой»даги энг кўп хонали квартира эса 153 метр метр квадрат (энг кичиги 55 квадрат метр). Murad Buildings хонадонларини қурилиш вақтида ҳам, қурилиш якунланганидан кейин ҳам кредитга олиш мумкин. Тафсилотлар.

Golden House

Мазкур компания Тошкент шаҳридаги қурилган ва қурилаётган объэктлари сони бўйича етакчи. «Паркент» бозори яқинида Parkent Village, Сергели тумани ҳокимлиги олдида «Янги Сергели», Аҳмад Дониш кўчаси ёқасида «Еттичинор», Ибн Сино-2 ва Жарариқ мавзелари яқинидаги «Белтепа», Қоратошдаги «Чақар» мажмуалари шулар жумласидан. Юнусободдаги «Мегаполис» ва Себзордаги янги уйлар ҳақида эшитмаганлар кам топилса керак. Компания таклиф қилаётган хонадонлар орасида элит/маҳобатлилари ҳам, ҳамёнбоп/оилавийлари ҳам бор. Golden House хонадонларининг квадратуралари ва нархлари бинолар жойлашган жой, харидорлар сегменти, яратилган шароит ва қўшимча қулайликларига кўра фарқланади. Масалан, «Мегаполис»да умумий майдони 280 квадрат метр бўлган 5 хоналик квартиралар бор, «Янги Сергели»даги энг катта — 4 хоналик квартиралар майдони эса 100 квадрат метрни ташкил этади. Нарх-наво, чегирмалар, кредитга олиш ва бўлиб-бўлиб тўлаш масалалари ҳақида аниқ маълумотларни эса Golden House маслаҳатчиларига қўнғироқ қилиб ёки улар билан учрашиб, олиш мумкин. Тафсилотлар.

«Uybor.uz» сайти янги иншоот қуриш ва сотиш билан шуғулланувчи юқоридаги барча ташкилотлар билан ҳамкорликда ишлайди. Тошкент шаҳрида янги иншоотларда сотилаётган барча квартираларни кўриб чиқиш истагида бўлсангиз, унда «Uybor.uz»га ўтишингизни тавсия қиламиз.

Реклама ҳуқуқи асосида