Фижи Республикаси иқлим бўйича Париж келишувини ратификация қилган биринчи давлат бўлди

Фижи Республикаси дунёда биринчи бўлиб иқлим бўйича Париж келишувини ратификация қилди. Бу ҳақда «ТАСС» агентлиги хабар берди.

Айтилишича, ҳужжат Фижи парламенти муҳокамасига бош прокурор ва адлия вазири Айёз Сайид-Ҳаюм томонидан киритилган ва тез орада депутатлар томонидан маъқулланган.

Иқлим бўйича Париж келишуви 2015 йилнинг охирида Франция пойтахтида глобал иқлим ўзгариши муаммоларига бағишлаб ўтказилган БМТ анжумани якунларига кўра қабул қилинган эди.