Тошкентда ўтказилган брифингда журналистларга шаҳарда лицензияланмаган автоташувлар юзасидан чоралар кўриш бўйича олиб борилаётган ишлар ҳақида ахборот берилди, деб ёзади «Norma.uz».
Айни пайтда автотранспорт воситалари эгалари тегишли лицензияга эга бўлмаган ва йўловчиларни ташиш қоидаларига риоя қилмаган ҳолда юк ва йўловчиларни ташиши олдини олиш учун қўшма рейдлар амалга оширилмоқда.
1 январдан 10 февралга қадар бундай рейдлардан 310 таси ўтказилган. 9200 та автоуловлар текширилиб, 1850 та камчилик топилган. Қонунбузарликларнинг кўпчилиги йўловчи ташиш билан боғлиқ бўлган.
Эслатиб ўтамиз, аввалроқ 15 февраль, душанба кунидан эътиборан Тошкентда лицензиясиз таксичилар фаолиятига чек қўйиш мақсадида ички ишлар бошқармаси, йўл ҳаракати хавфсизлиги бошқармаси, Давлат солиқ қўмитаси ва «Тошшаҳартрансхизмат» ходимларидан иборат 47 та гуруҳ иш бошлаши хабар берилган эди.
Изоҳ (0)