Саудия Арабистони ва Россия дунё бозорида нефть хомашёси керагидан ортиқ бўлиб кетгани туфайли, нефть қазиб чиқариш ҳажмини музлатиб қўйишга келишиб олди, дея хабар бермоқда «Ведомости» Доҳадаги музокаралар натижаларига таяниб.
Нефть қазиб олишни январь даражасида музлатиб қўйиш «етарли» бўлади, деди Саудия Арабистони нефть вазири Али ал-Наимий Россия энергетика вазири Александр Новак билан музокаралардан сўнг. Reuters хабарига кўра, Венесуэла ва Қатар ҳам нефть қазиб чиқаришни музлатишга келишган.
«Бугунги кунда етказиб беришлар жорий нархлар туфайли пасайиб кетаётганини тан оламиз. Биз, шунингдек, талаб кўтарилганини ҳам эътироф этамиз. Шунинг учун биз ишлаб чиқаришни потенциал тарзда тўхтатиб қўйишга розимиз, бу жараённинг бошланиши бўлиб, биз уни яқин ойларда баҳолаймиз ва бозорни барқарорлаштириш учун бошқа чоралар ҳам лозимлигини аниқлаймиз», — деди Али ал-Наимий.
Изоҳ (0)