Қозоғистоннинг жанубий вилоятлари — Жамбил, Жанубий Қозоғистон ва Қизилўрдада қўшинларнинг жанговар шайлигини кутилмаганда текшириш тадбирлари олиб борилди, деб ёзади «РИА Новости».
Республика мудофаа вазирлиги маълумотларига кўра, 16 февраль, сешанба куни «Жануб» минтақавий қўмондонлигида кутилмаган текширувнинг биринчи босқичи бошланди. Қўшинлар машқ полигонларида 5 километрлик масофада комбинацияланган усулда марш уюштирди.
Жамбил вилояти маъмурий маркази Тараз шаҳридан Отар қишлоғига 160 га яқин техника юборилди, Луговая бекатидан артиллерия эшелонлари жўнатилди. Отар қишлоғида жанговар отиш машқлари ўтказилади.
Вазирликдагилар таъкидлашича, жанговар шайликни кутилмаганда текшириш тадбирлари бугунги кунда қуролли кучларнинг ҳақиқий жанговар тайёргарлигини аниқлашнинг самарали усулларидан бири бўлиб қолмоқда.
Изоҳ (0)