Қозоғистон президенти Нурсултон Назарбоев Олмаота маъмуриятига шаҳарнинг минг йиллигига бағишланган байрамни ортиқча дабдабаларсиз, бироқ шаҳарликлар учун фойдали тарзда ўтказишни топширди, дея хабар бермоқда «РБК» унинг 16 февраль, сешанба куни бўлиб ўтган мажлисда янграган нутқига таяниб.
«Олмаота байрамини шундай ўтказиш керакки, буни олмаоталиклар ҳис қилсин. Барча маблағлар йўллар ёмон ҳолатда бўлган жойларни ободонлаштиришга йўналтирилсин. Даҳаларни тозалаш, фаввораларни, суғориш тизимларини қайта тиклаш бўйича ишлар эълон қилинсин — буни ҳар бир фуқаро сезсин», — дея даъват этди Назарбоев.
Шу билан бирга, Назарбоев «бошлиқлар ўтадиган йўлларни ялаб-юлқаш шарт эмаслигини» таъкидлади. «Сизлар асфальтнинг тўртинчи қатламини қўя бошлайсизлар — бу керак эмас. Жойлардаги оддий одамларга сезилса бўлди», — деди у.
Изоҳ (0)