Каталония ОАВлари Мадриднинг «Реал» клуби ярим ҳимоячиси Исконинг Испания кубоги финал учрашуви доирасида «Барселона» ва «Севилья» ўртасидаги ўйин ўтказиладиган жой юзасидан айтган фикрларига зудлик билан жавоб қайтарди, деб ёзади «Чемпионат».
Примеранинг 24-тури доирасида «Атлетик Бильбао» билан бўлиб ўтган учрашув чоғида «Реал» мухлислари финал ўйин «Сантьяго Бернабеу» стадионида ўтказилиши эҳтимолига қарши можаро кўтарди. Матчдан сўнг Иско «Қироллик клуби» мухлислари фикрига қўшилишини айтди.
Каталониянинг Sport интернет-нашри Иско 2013 йилда «Реал»га ўтгунига қадар, «Малага» таркибида «Барселона» учун ишқибозлик қилганини эслатди. У шунчалик содиқ мухлис бўлганки, ўз итини Аргентина термаси ўйинчиси Лионель Месси номи билан атаган.
Испания кубоги финали 21 май куни ўтказилади. У бўлиб ўтадиган жой номаълумлигича қолмоқда.
Изоҳ (0)