Хитойлик археологлар анъанавий чучваралар —цзяоцзи мамлакат ҳудудида бундан 1,7 минг йил аввал ҳам тайёрланганини маълум қилди. Бу ҳақда «ТАСС» хабар бермоқда.
Тадқиқотчилар ўз хулосаларида Шинжон-Уйғур автоном туманидаги Турфан шаҳар округида олиб борилган қазилмаларга асосланмоқда. Археологлар бир неча юз йиллар давомида ерда қолиб кетган учта чучварани аниқлаган, топилма ёши 1,7 минг йил атрофида баҳоланган. Ун ва гўштдан тайёрланган, узунлиги 5, эни 1,5 сантиметр бўлган ярим ой шаклидаги чучваралар жуда яхши сақланган. Мазкур топилмага асосланиб, археологлар пазандалик анаъанлари Хитойда шарқдан ғарбга тарқалганини исботлаш ниятида.
Ҳозирги хитойликлар ҳам чучварани жуда ёқтиради, уларни истеъмол қилиш оилага бойлик ва тўкин-сочинлик келтиради, деган иримга ишонади.
Изоҳ (0)