Xitoylik arxeologlar an’anaviy chuchvaralar —szyaotszi mamlakat hududida bundan 1,7 ming yil avval ham tayyorlanganini ma’lum qildi. Bu haqda “TASS” xabar bermoqda.
Tadqiqotchilar o‘z xulosalarida Shinjon-Uyg‘ur avtonom tumanidagi Turfan shahar okrugida olib borilgan qazilmalarga asoslanmoqda. Arxeologlar bir necha yuz yillar davomida yerda qolib ketgan uchta chuchvarani aniqlagan, topilma yoshi 1,7 ming yil atrofida baholangan. Un va go‘shtdan tayyorlangan, uzunligi 5, eni 1,5 santimetr bo‘lgan yarim oy shaklidagi chuchvaralar juda yaxshi saqlangan. Mazkur topilmaga asoslanib, arxeologlar pazandalik ana’anlari Xitoyda sharqdan g‘arbga tarqalganini isbotlash niyatida.
Hozirgi xitoyliklar ham chuchvarani juda yoqtiradi, ularni iste’mol qilish oilaga boylik va to‘kin-sochinlik keltiradi, degan irimga ishonadi.
Izoh (0)