Ўзбекистон фуқаросининг нобиометрик паспорти, агар амал қилиш муддати тугамаган бўлса, паспорт эгаси томонидан фақат Ўзбекистонга қайтиш ҳужжати сифатида ишлатилиши мумкин. Ўзбекистон Ташқи ишлар вазирлиги матбуот хизмати хабарига кўра, бу ҳақда «Ўзбекистоннинг ваколатли идоралари» қарор қабул қилган.
Ушу паспорт Ўзбекистонга қайтаётганда учинчи давлат ҳудудидан транзит ўтишга ҳам ишлатилиши мумкин. «Мазкур маълумот хорижий давлатларга етказилди», — дейилади ТИВ ахборотида.
Қайд этишларича, ушбу тартиб хорижий мамлакатларнинг тегишли идоралари томонидан ўзларининг жойлардаги бўлимларига етказилганидан сўнг, 2018 йилнинг 1 июлига қадар амал қилади.
Маълумот учун, Ўзбекистон фуқаролари Ўзбекистондан хорижга чиқиши учун биометрик паспорт талаб қилинади.
Изоҳ (0)