Тошкентда LG компаниясининг янги G4 Stylus смартфони сотила бошлади, дея хабар бермоқда «Mobinfo.uz». У LG G4 флагман моделининг арзон версияларидан биридир.
G4 Stylus’нинг дизайни катта моделники билан бир хил, бироқ ундан асосий фарқи фирма стилусига эгалигидадир. Бундан ташқари, G4 Stylus арзонроқ материаллардан тайёрланган.
Смартфон 5,7 дюймли 258 ppi IPS-дисплей, саккиз ядроли Snapdragon 410 процессори, 1 Гб тезкор ва 16 Гб ички хотира (+microSD), 8 мегапикселли асосий ва 5 мегапикселли олд камера, 3000 мА/соат сиғимли аккумуляторга эга.
LG G4 Stylus LG UХ 4.0 фирма интерфейсига эга Android 5.0 Lollipop операцион тизимида ишлайди.
Айни пайтда Тошкентнинг «Флешка» савдо марказида қурилманинг икки хил версияси таклиф қилинмоқда: Жанубий Корея бозори учун мўлжалланган версиясини 1,1 миллион сўм, бир йиллик фирма кафолатига эга халқаро версиясини эса 1,3 миллион сўмга харид қилиш мумкин.
Қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)