Трендга чиққан Навоий, Тошкентда дарахт қайғуси, ОЧЛдаги тўртовлон ва куннинг бошқа муҳим янгиликлари

9 февралнинг эътиборга молик янгиликлари — «Дарё»нинг кечки дайжестида.

1. Тошкентликлар дарахтлар кесилиши юзасидан Вазирлар Маҳкамасига мурожаат қилди. «Тошкент аҳолисини Ўзбекистон пойтахти ва бошқа шаҳарларида дарахтлар кесилаётгани ғоят ташвишлантирмоқда. Амалдорларнинг чинор зарарли дарахт эканлиги ҳақидаги гаплари танқидга арзимайди».

2. Саудия Арабистони Сурияга махсус топшириқли бўлинмаларини юборишга тайёрлигини билдирди. Сўнгги кунларнинг долзарб мавзуларидан. Айтишларича, чеченларнинг шундай бўлинмалари аллақачон Сурияда, Туркия эса ҳали бир қарорга келмаган.

3. Twitter’нинг ўзбекистонлик фойдаланувчилари #Navoiy575 ҳештегини жаҳон трендига олиб чиқди. Биз эса Алишер Навоий ҳақида осон ва қийин тест тайёрладик.

4. Пентагон КХДРнинг орбитага сунъий йўлдош учирганлигини тасдиқлади. Шимолий Корея 7 февраль, якшанбага ўтар кечаси узоқ масофага парвоз қилувчи ракетани учирганлиги ҳақида маълум қилинган эди.

5. «Бунёдкор» «Аш-Шабоб»ни мағлуб этди ва ОЧЛ гуруҳ босқичига йўл олди. Халқаро мусобақа сабаб бош мураббийлик бўлиб қолган «Бунёдкор», ОЧЛда «Пахтакор», «Локомотив» ва «Насаф» қаторига қўшилди.

iPhone 6 смартфони борлар учун бонус — Савол-жавоб: «53-хатолик» нима ва у iPhone 6 ни «ўлдирадими»?