Twitter микроблоглар хизматининг ўзбекистонлик фойдаланувчилари Алишер Навоий таваллудининг 575 йиллигига бағишланган #Navoiy575 ҳештегини жаҳон трендига олиб чиқди.
Фойдаланувчилар 9 февраль, сешанба куни Тошкент вақти билан 9:00 дан бошлаб #Navoiy575 ҳештеги илова қилинган твитларни фаол ёзишга киришган.
«Hashtags.org» сайти маълумотларига кўра, соат 10:00 гача #Navoiy575 ҳештегидан фойдаланган ҳолда 13,8 минг, кейинги бир соатда эса 16 минг твит ёзилган.
https://twitter.com/toxa_cool85/status/696919106784751616
Қайд этиш жоиз, Twitter’дан ташқари Facebook ва Instagram ижтимоий тармоқларида ҳам #Navoiy575 ҳештеги иштирокида кўплаб постлар қолдирилган.
Маълумот учун, ўзбекистонлик ёшлар 14 февраль куни бошқа тарихий арбоб — Заҳириддин Муҳаммад Бобурнинг таваллуд куни муносабати билан 14:00 дан бошлаб #BoburDay ҳештегини жаҳон трендига олиб чиқишга уринади.
Эслатиб ўтамиз, ўзбекистонлик Twitter фойдаланувчилари бунгача уч марта – 2012 йили Ўзбекистон Мустақиллигининг 21 йиллиги арафасида #uzb21, 2013 йили Мустақилликнинг 22 йиллиги арафасида #uzb22, 2014 йили эса ўзбекистонлик ФИФА рефериси Равшан Эрматовга бағишланган #IrmatovBest ҳештегларини жаҳон тренди даражасига кўтарган эди.
Изоҳ (0)