Ferrari’нинг ноёб модели Париждаги кимошди савдосида 32 миллион еврога сотилди. Агар айнан ушбу валютада ҳисобланса, у дунёдаги энг қимматбаҳо автомобилдир. Бу ҳақда Sky News маълумотига таяниб, «Интерфакс» хабар беради.
1957 йилда ишлаб чиқарилган ушбу автомашинани АҚШлик номи ошкор этилмаган харидор сотиб олди. 335 Spider Scaglietti модели ҳаммаси бўлиб тўрт нусхада чиқарилган эди.
Ушбу машинани бошқарган британиялик афсонавий Стирлинг Мосс 1958 йилда «Формула-1» Гран-присининг Кубадаги босқичида ғалаба қозонган эди.
Кимошди савдосида автоспортдаги энг афсонавий машина учун бошланғич қиймат 20 миллион евро этиб белгиланди. У 1970 йилда француз пойгачиси ва коллекциячиси Пьер Бардинон томонидан сотиб олинган бўлиб, шундан буён оилавий гаражда сақланиб келинганди.
Изоҳ (0)