Қозоғистоннинг «Колёса» нашри мамлакатда сотилаётган энг арзон автомобилларнинг бешталик рўйхатини тузди. Унда Россияда ишлаб чиқарилган учта, Ўзбекистон ва Қозоғистонда тайёрланган биттадан автомобиль ўрин олди.
2016 йил январь ойи ҳолатига кўра, GM Uzbekistan томонидан ишлаб чиқарилган Matiz автомобили Қозоғистонда сотилаётган энг арзон автомобиль деб топилди. Дилерлар Matiz’ни 1,559 млн тенгедан 2,329 млн тенгегача нархда сотмоқда.
«Қайд этиш жоиз, техник регламент талабларига мувофиқ, Matiz’ларни Қозоғистонга олиб кириш тақиқланган. Шу сабабли, дилерларнинг Matiz захираси тугаши билан, мазкур автомобилларнинг Қозоғистондаги савдоси ҳам тўхтайди», — дейилади «Колёса» ахборотида.
Matiz’дан кейинги ўринларни Lada Granta (1 669 000 тенгедан 2 392 000 тенгегача), Қозоғистонда ишлаб чиқарилган Хитой автомобили — Geely CK (1 930 000 тенгедан 2 250 00 тенгегача), Lada Kalina (2 013 000 тенгедан 2 748 тенгегача) ва Lada Priora (2 038 000 тенгедан 2 493 000 тенгегача) эгаллаган.
Изоҳ (0)