Таниқли актриса Дилноза Кубаева қизларни гўзалликни тарғиб қилишга чақирди. Бу ҳақда «Бекажон» газетаси хабар берди.
«Тилимизга бўлган эътиборимиз ҳам сусайиб бормоқда. Кўпгина тенгдошларимиз русча сўзларни аралаштириб гапиришади, бу ҳам етмагандай, кейинги пайтда инглизча сўзларни ҳам аралаштириш модага айланяпти», — деди Дилноза Кубаева.
«Она тилимиз жуда бой. Телевидение орқали намойиш этилаётган клиплардаги жумлаларни эшитиб, уялиб кетаман. Биз, энг аввало, гўзалликни тарғиб қилишимиз керак. Чиройли кийиниб юришни истаймизу, лекин чиройли гапиришни нега истамаймиз?», — деди актриса.
«Қулоқларимиз чиройли сўзларни эшитгиси, кўзларимиз гўзал нарсаларни кўргиси келаркан. Шунинг учун, қаерда бўлишимиздан қатъий назар, ўзбек аёли эканлигимизни унутмайлик», — дея қўшимча қилди актриса Дилноза Кубаева.
Изоҳ (0)