Walt Disney «Юлдузлар жанги: Кучнинг уйғониши» фильмининг дунё бўйича йиғимлари февралнинг илк дам олиш кунлари 2 миллиард долларлик чегарадан ўтиши, жумладан, АҚШда 900 миллион доллар тўплашини тахмин қилмоқда. Бу ҳақда компания сайтида маълум қилинган.
«Бу ‘Юлдузлар жанги’, Lucasfilm ва Disney учун тарихий ҳолат», — дея таъкидлаган Walt Disney Studios раиси Алан Хорн.
«Юлдузлар жанги» эпопеясининг еттинчи фильми келтирган даромади бўйича ҳозирча учинчи ўринни эгаллаб турибди. Кино тарихида энг даромадгир картиналар сифатида Жеймс Кэмероннинг «Аватар» (2,78 миллиард доллар) ва «Титаник» (2,18 миллиард доллар) фильмлари қолмоқда.
Изоҳ (0)