«Талабалигимда дугоналарим билан театрга спектакл томошасига борганман. Ўшанда режиссёр Зулфиқор Мусоқов мени кўриб қолиб: ‘Ёлғиз эмас, ота ёки онанг билан кел. Ўзинг келсанг, қабул қилмайман’, дея синовга таклиф қилган», — дея ҳикоя қилади актриса Шаҳзода Матчонова «7х7» газетасига берган интервьюсида.
«Мендек ‘кинога кўчадан келган’ларни ‘ўқимаган’ деб танқид қилишаётганда ҳеч ҳам хафа бўлмайман. Чунки жаҳон киносида бундай актёрлар жуда кўп, улар истеъдодли, машҳур. Агар актёр кинога машҳурлик учун эмас, истеъдодини намоён қилишга келган бўлса, ўқишга имкони бўлмаса ҳам, албатта, ўз устида ишлаши шарт.
Мен учун касбимдаги ривожланиш — устоз санъаткорлар билан мулоқотда бўлиш. Саволлар бераман, керакли билимларга эга бўламан. Қолаверса, тинмай ўқийман, театрларга бораман, инсон психологиясини ўрганаман», — дея таъкидлайди актриса.
Изоҳ (0)