Чеченистон раҳбари Рамзан Қодиров ўз Instagram’ида Аҳмад Закаевни Чеченистонга қайтишга ундади, деб ёзади «Ведомости». Закаев чеченистонлик террорчиларнинг собиқ эмиссари (махфий сиёсий топшириқ билан чет мамлакатга юбориладиган киши, агент) бўлиб, Россия унинг Буюк Британиядан топширилишига эриша олмаётган эди.
Қодиров Урус Мартанда Закаевнинг қариндошлари билан учрашуви акс этган суратни эълон қилди. «Мен Аҳмадда Лондонда ўтиравериш учун сабаблар йўқлигини айтдим. Ичкерия референдум ўтказилган вақтдан буён мавжудлигини йўқотди. Халқ онгли равишда танловни амалга оширди… Мен Ичкериянинг юзлаб ва минглаб собиқ тарафдорлари муносиб кишилар эканлигини эслатиб ўтдим. Улар ишлайди, республика ривожланишига ҳисса қўшади», — дея таъкидлади Чеченистон раҳбари.
Аҳмад Закаев Борис Березовский билан бирга журналист Aннa Политковскаянинг ўлдириб кетилиши ҳақидаги ишда буюртмачи сифатида қатнашган эди. У Ичкериянинг собиқ ташқи ишлар вазири бўлиб, 2001 йилдан буён халқаро қидирувда. Россия Бош прокуратураси уни терроризм, тинч фуқаролар ва ҳарбийлар қотиллигини ташкиллаштиришда гумон қилмоқда. 2003 йилда Лондон суди уни Россияга экстрадиция қилишдан бош тортди, кейинроқ Британия ТИВ Закаевга қочоқ мақомини берди.
Изоҳ (0)