«Барселона» ҳужумчиси Лионель Месси Каталония жамоаси «Валенсия»ни мағлуб этган (7:0) ўйиндан сўнг шериги Луис Суаресга тўпни олиш ҳуқуқини берди. Бу ҳақда «Sports.ru» хабар бермоқда.
Мазкур ўйинда аргентиналик хет-трик, уругвайлик эса покерга эришди. Месси урган тўплардан бири карьерасидаги 500-гол бўлди.
Клуб бошлиғи Карлес Навал ҳакам ҳуштаги янграганидан сўнг Мессига жамоалар ўйнаган тўпни эсдалик учун олиб қолишни таклиф этди, бироқ Лионель бундан бош тортди. Тўпни Суаресга бериб, ўзига эса бошқа тўпни олиб қолди.
Изоҳ (0)