Бирлашган Араб Амирликларидан бўлган ва исми ошкор этилмаган миллиардер шайх британиялик боксчи Тайсон Фьюрига украиналик Владимир Кличкога қарши реванш жангини унинг яхтасида ўтказишни таклиф этди. Бу ҳақда The Daily Mirror хабар бермоқда.
Британиялик мазкур таклифни рад этган. Унинг айтишича, бундай беллашувни бир ҳовуч бойлар эмас, бутун дунё кўриши керак.
Шайхнинг яхтаси 120 кишини сиғдиради, у ҳар бир кишидан бир миллион доллардан олмоқчи бўлган. Жангга матбуот ва телевидениени таклиф этиш режалаштирилмаган. Спортчиларга ваъда қилинган мукофот пуллари миқдори ошкор этилмаган.
Эслатиб ўтамиз, Фьюри ва Кличко ўртасида реванш жанги 2016 йилнинг 7 май куни бўлиб ўтиши режалаштирилган.
Изоҳ (0)