ФИФА тартиб-интизом қўмитаси Кувайт терма жамоасининг ЖЧ—2018 саралаш босқичи доирасида Мьянмага қарши ўтказилмай қолган ўйин юзасидан қарор чиқарди, деб хабар беради «Stadion.uz».
«G» гуруҳининг бу баҳси 2015 йил 17 ноябрь куни бўлиб ўтиши керак эди.
Тартиб-интизом қўмитаси вазиятни ўрганиб чиқиб, бу ўйинни бекор қилиш ва Кувайтга техник мағлубият ёзиш ҳақида қарор қабул қилди. Бундан ташқари, Кувайт футбол ассоциацияси 10 000 франк миқдорида жарима тўлайди.
Ушбу қарордан кейин Жанубий Корея терма жамоаси муддатидан аввал «G» гуруҳида 1-ўринни нақд қилди ва кейинги босқич йўлланмасини қўлга киритди. Кореяликлар ҳисобида 18 очко мавжуд. Кувайт ва Ливан 10 очкодан жамғарган.
Эслатиб ўтамиз, Кувайт футбол ассоциацияси 2015 йилнинг 16 октябрь куни ФИФА аъзолигидан четлатилганди. Ушбу қарор март ойида ҳам ўз кучини сақлаб қолса, Кувайтнинг саралаш босқичидаги қолган 2 та ўйинига ҳам техник мағлубият ёзилади.
Изоҳ (0)