«Реал» футболчиси Криштиану Роналду, тақиқларга қарамай, «Эспаньол»га қарши ғалабани нишонлаш мақсадида Марокашга сафар қилган ҳақида ОАВлар тарқатган хабар асоссиз бўлиб чиқди, деб ёзади «Stadion.uz».
Криштиану Марокашга дўсти билан учрашиш мақсадида эмас, тадбиркорлик ишини (меҳмонхона очиш бўйича) йўлга қўйиш учун борган. Боз устига, португалиялик футболчи оила аъзолари билан биргаликда сафар қилган. Бу ҳақда Роналду Instagram орқали хабар қилди. «Тадбиркорлик ривожланмоқда. Раҳмат, Марокаш!» — деб ёзди у.
Эслатиб ўтамиз, Криштиану Роналдунинг ҳар ҳафта Марокашга — кикбоксчи дўсти Бадр Ҳарининг олдига бориб келиши «Реал» бош мураббийи Зинедин Зидан ва клуб президенти Флорентино Пересга маъқул келмаган ва улар футболчидан бу каби саёҳатларни тўхтатишни сўраганди.
Изоҳ (0)