Уэльслик 32 ёшли Гарет Кросс ўтган йил июлида Apple Watch Sport соатини харид қилди. Ўн кун таққанидан сўнг унинг ойнасида кичик ёриқни кўриб қолди ва Apple сервис марказига мурожаат этди. Бироқ марказ ходимлари кафолатланган таъмирни бажаришдан бош тортди, дея ҳикоя қилади «Hi-tech.mail.ru».
Кросс сохта реклама ва харидорларни чалғитишда айблаб, ишлаб чиқарувчини судга берди ҳамда «ақлли соат»нинг тўлиқ қийматини ундириб олди. Суд жараёни ярим йил атрофида давом этди, бироқ Гарет бой берилган вақт ва асаблар ҳақида афсусланмади. Аксинча, Apple соатларининг келгуси авлодини сотиб олиш истагини билдирди, чунки қурилма унга мароқ бағишлаган эмиш.
Эътиборлиси, Apple суд жараёни якунланганидан сўнг Apple Watch Sport тавсифидан унинг зарбаларга бардошлилиги ҳақидаги жумлани олиб ташлади.
Изоҳ (0)