Гондурас ҳукумати Зика вирусининг тез тарқалиб кетаётганлиги сабабли мамлакатда фавқулодда ҳолат эълон қилди. Бу ҳақда Associated Press агентлиги берган маълумотларга асосан «РИА Новости» хабар қилмоқда.
Гондурас Соғлиқни сақлаш вазири Йолани Батрес, мамлакат аҳолисига уй-жойини тозалашга, вируснинг тарқалишига сабабчи бўлаётган Aedes Aegypti чивини учун озуқа манбаи ҳисобланган, кўчаларда ўрнатилган сув тўплайдиган идишларни олиб ташлашга чақирди.
Маълум қилинишича, сўнгги уч ой ичида мамлакатда 3649 та вирус билан касалланиш ҳолати қайд этилди.
Ўз навбатида, Жаҳон соғлиқни сақлаш ташкилоти Зика вируси туфайли халқаро фавқулодда вазият эълон қилди.
2016 йил 27 январь кунига келиб, вирус билан касалланиш ҳолати жаҳоннинг 27 мамлакатида қайд этилди.
Изоҳ (0)