Хонанда Дилфуза Исмоилова ўғлининг тўйида қудасига қилган изҳори ва таъзимини изоҳлади

Хонанда Дилфуза Исмоилованинг ўз ўғлини тўйида қудасига қилган изҳори ва таъзими ижтимоий тармоқларда фаол муҳокамаларга сабаб бўлган, аксарият фойдаланувчилар томонидан танқид қилинган эди. Хонанда «Даракчи.uz»га берган интервьюсида мазкур ҳолатга тўхталиб ўтди.

«Ўғлимнинг тўйига бегоналарни эмас, яқинларимни чақиргандим, аммо дастурхонимдан еб-ичган айрим қабиҳ ниятлилар нималар қилиб кетмади, дейсиз! Қудаларим билан қариндошман. Фарзандларимиз бирга катта бўлган. Ёшлигидан шу қизни келин қилиш орзум эди. Кимдир шодлигимни кўролмади», — деди Дилфуза Исмоилова.

«Қудамга чин дилдан дўстона айтган изҳорим ва таъзимимни нотўғри талқин қилиб, видеони ижтимой тармоқларга тарқатиб юборишди. Аслида мен шундай кунларга етказгани учун Яратганга шукрона айтган эдим — тарқатган одам шу жойини кесиб ташлаган. Шунча йил оқ ювиб, оқ тараган қизи менинг уйимда бир умрга қоляпти, уларга таъзим қилмасам бўладими?!», — деди хонанда.

«Қудаларимга таъзим қилганимни душманларим кўролмади, чидай олмади. Бундай номард одамларнинг устидан «ха-ха» деб кулсам ҳам, «вах-ха-ха» деб кулсам ҳам кам», — деди Дилфуза Исмоилова.