Хонанда Лола Instagram’даги саҳифасида ҳамкасби Тамиланинг видеотасвирларини тарқатганларга нисбатан ўз фикрини билдирди. Гарчи хонанда бевосита Тамиланинг исмини келтириб ўтмаган бўлса-да, гап айнан у ҳақида кетаётганини англаб олиш қийин эмас, дея маълум қилади «Даракчи.uz».
«Кеча бир воқеанинг гувоҳи бўлдим. Унда кап-катта одамлар бир хонанданинг ‘аввал’ ва ‘кейини’ акс этган шахсий видеосини мазза қилиб томоша қилаётганди. Ишонувчан ва аҳмоқ қиз ҳамда адойи тамом бўлган инсон бўлиш, назаримда, мазкур видеони тарқатаётган ачинарли сиртлон бўлгандан кўра яхшироқ, — дея ёзади Лола. — Мазкур видеороликни мағрурланиб ўз сайтида жойлаштираётган ва тарқатаётган инсонларнинг ўзи ҳам кун келиб, шундай ҳолатга дуч келишади. Аммо асл моҳият бунда ҳам эмас. Биров ҳақида ёзишдан ва бирон нарса дейишдан олдин ўша инсоннинг ўрнига ўзингизни қўйиб кўринг, бу нарсанинг сизга нима учун кераклиги ҳақида ўйланг!»
Эслатиб ўтамиз, олдинроқ Тамиланинг продюсери Нажот Агзамов беҳаё видеолар сабаб у билан ҳамкорликни тўхтатгани ҳақида хабар берилганди.
Изоҳ (0)