Хонанда Дилфуза Исмоилова ижтимоий тармоқларда тарқалган суратлари юзасидан судлашаётгани ҳақидаги хабарларни рад этди. Бу ҳақда «Даракчи.uz» хабар бермоқда.
Аввалроқ хонанда Дилфуза Исмоилованинг бир ресторанда рақсга тушаётгани акс этган суратлар ижтимоий тармоқларда тарқалиб кетгани, хонанда бу суратларни тарқатишда Озода Нурсаидовани айблагани маълум бўлганди.
Кейинроқ хонанда Озода Нурсаидова бу айбловларга жавоб бериб, «Дилфуза Исмоилованинг суратларини атайлаб тарқатиш шарт эмас, у ҳамма тўйларда шундай рақсга тушади», қабилида фикр билдирганди.
«Йўғэ, нега судлашаман?! Оддий расм-ку, буни кўрган айрим журналистлар, билмайман, пиар бўлсин дебми, ўзининг рейтингини ошириш учунми, шов-шув кўтариб юборибди. Озода синглим — зўр қиз, тўйларимда хизматда бўлди. Тузини еб, тузлуғига тупурадиган аёл эмасман», — деди Дилфуза Исмоилова.
«Мендан: ‘Қайси тадбирга борганингизда суратга олинган?’, деб сўрайверишганида, ростини айтдим, холос, ‘Озода тарқатди’, демадим, унга нисбатан хусуматим йўқ. Баъзи журналистлар қалам ҳақини ҳалоллаб олиши керак. Ким тарқатган бўлса жазоси бор», — деди хонанда.
Изоҳ (0)