Ўзбекистоннинг XXI асрдаги тарихидаги энг совуқ ва узоқ қиш 2007—2008 йилги мавсумда кузатилган. Бу ҳақда «Ўзгидромет» маркази бош синоптиги Ирина Зайцева UZ24’га маълум қилди.
Мутахассиснинг маълум қилишича, 2007—2008 йилги қиш мавсумида совуқ иқлим шароити декабрь ойи охиридан бошланиб, февраль ойи ўрталарига қадар давом этган, хусусан, Тошкент шаҳрида ҳаво ҳарорати -17 даражагача пасайган.
Сўнгги 50 йилдаги энг совуқ қиш эса 1968—1969 йилги мавсумда қайд этилган. Ўшанда Тошкентда ҳаво ҳарорати -23...-20 даражагача тушган, қаҳратон икки ойдан ортиқ давом этган.
Умуман, Тошкент шаҳридаги ҳавонинг совуқлиги бўйича рекорд кўрсаткич 100 йилча аввал ўрнатилган бўлиб, ўшанда ҳарорат -28 даражагача совиган.
Изоҳ (0)