Ўзбекистоннинг жанубий вилоятларида 2 февраль куни ҳаво ҳарорати +15 даражагача кўтарилади

Ўзбекистонда 2 февраль куни ёғингарчилик кутилмайди. Бу ҳақда «Ўзгидромет» маркази хабар бермоқда.

Хабар беришларича, 2 февралга ўтар кечаси Қорақалпоғистон Республикаси ва Хоразм вилоятида -5 даражагача, Бухоро, Навоий, Тошкент, Самарқанд, Жиззах, Сирдарё, Андижон, Наманган, Фарғона вилоятларида -3 даражагача, Тошкент шаҳрида -2 даражагача совуқ бўлади. Қашқадарё ва Сурхондарё вилоятларида 0...+5 даража илиқ бўлади.

2 февраль куни кундузи Андижон, Наманган, Фарғона вилоятлари ва Тошкент шаҳрида +9 даражагача, Қорақалпоғистон Республикаси, Хоразм, Тошкент, Самарқанд, Жиззах, Сирдарё вилоятларида +10 даражагача, Бухоро ва Навоий вилоятларида +12 даражагача, Қашқадарё ва Сурхондарё вилоятларида +15 даражагача илиқ бўлади.

1—5 февраль кунлари Ўзбекистоннинг тоғли ҳудудларида қор кўчиши хавфи бор.