29 январь куни OXUS Culture ташкилоти ҳамда Ўзбекистон Давлат Санъат музейи ҳамкорлигида Ўзбекистон халқ бахшиси Абдуназар Поёнов иштирокида достон кечасини ташкиллаштирди. Ушбу кечада ўзбек халқ анъанавий достонларидан бўлмиш «Келиной» достони ижро этилди. Бу ҳақда OXUS Culture ташкилоти «Дарё»га хабар берди.
Абдуназар бахши ижро дастуридан «Алпомиш»достони ва «Гўрўғли» достони туркумига кирувчи бир қанча достонлар, шунингдек, достон ижрочилиги йўлидаги халқ қўшиқлари, термалар ўрин олган. Абдуназар бахши ижросидаги бир қанча достон ва қўшиқлар Ўзбекистон телерадиокомпанияси олтин фондидан ўрин олиб, мунтазам эфирга узатилиб келинмоқда.
Абдуназар бахши Поёнов ўз ижоди давомида Франция, Бельгия, Швейцария, Тайвань, Туркия, Озарбайжон, Қозоғистон ва Қирғизистон давлатларида бўлиб, ўзбек халқ бахшичилик анъаналарини дунё халқлари орасида тарғиб қилиб келмоқда.
Изоҳ (0)