Ўзбекистон Республикаси Адлия вазирлигининг Тадбиркорлар ҳуқуқларини ҳимоя қилиш бошқармаси ҳамда Хорижий инвестициялар ва хорижий инвестициялар иштирокидаги корхоналарни ҳуқуқий ҳимоя қилиш бошқармаси негизида Тадбиркорлик субъектлари ва хорижий инвестицияларни ҳуқуқий ҳимоя қилиш бошқармаси тузилди, дея хабар бермоқда «Газета.uz» Ўзбекистон Республикаси Президентининг 26 январдаги қарори (pdf)га таяниб.
Ҳужжатда таъкидланишича, ушбу қарор Адлия вазирлигининг тадбиркорлик субъектларини ва хорижий инвестицияларни ҳуқуқий ҳимоя қилиш бўйича фаолияти самарадорлигини ошириш, шунингдек, адлия органлари ходимларини моддий рағбатлантириш ва меҳнатига ҳақ тўлаш тизимини такомиллаштириш мақсадида қабул қилинган.
Бундан ташқари, қарорда Адлия вазирлиги марказий аппарати, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ходимларининг меҳнатига ҳақ тўлаш бўйича разрядлар 2016 йил 1 февралдан Ягона тариф сеткасига мувофиқ 1 разрядга оширилиши кўзда тутилган.
Изоҳ (0)